მანქანის სესხის აღება ან ლიზინგით სარგებლობა კომპლექსური და რთული პროცესია, განსაკუთრებით მომხმარებლებისთვის, ვისაც არ გააჩნიათ დიდი გამოცდილება საავტომობილო სექტორში. არსებობს რამდენიმე მითითება, რომელიც უმჯობესია გაითვალისწინოთ, რათა შეძლოთ ამჟამინდელი ფინანსური მდგომარეობის კონტექსტში სასურველი სესხის აღება ან ლიზინგის გაკეთება.  

საიმედოობა 

მანქანის შეძენისას მნიშვნელოვანი ფაქტორია თუ რამდენად სანდო და საიმედოა მანქანა. ეს ნიშნავს, რომ უნდა გამოიკვლიოთ ბაზარი და შეარჩიოთ ავტომობილი, რომელსაც მომავალში ნაკლები პრობლემა ექნება. ამასთან ერთად შეამოწმეთ მომხმარებლების მიმოხილვები. მიმოხილვების წაკითხვით შეგიძლიათ მეტი გაიგოთ მანქანის ხარისხზე და საიმედოობაზე.  

დეტალები 

მოიფიქრეთ თუ რა არის თქვენთვის ყველაზე მნიშვნელოვანი. ყველაზე ახალ და დახვეწილ მანქანას ეძებთ? თუ მინიმალური მოთხოვნები გაქვთ? შეიძლება ამ ორს შორის კომპრომისს ეძებთ. არჩევისას გაითვალისწინეთ ფინანსები; ზოგიერთი მახასიათებელი ზრდის მანქანის საბაზისო ღირებულებას, რაც აუცილებლად უნდა გაითვალისწინოთ დაბალ ბიუჯეტზე. 

საწვავის ეკონომიურობა 

საწვავის ეკონომიურობა მანქანის შერჩევის ძალიან მნიშვნელოვანი ნაწილია. უმჯობესია თუ წინასწარ დაფიქრდებით მანქანის მოსალოდნელ გამავლობაზე და ეკონომიურობაზე, რათა შეარჩიოთ თქვენი საჭიროებებისთვის ყველაზე ეკონომიური ავტომობილი. მანქანები განსხვავდებიან საწვავის ეკონომიურობით, შესაბამისად ამ ინფორმაციამ უნდა ითამაშოს როლი მანქანის შესყიდვის გადაწყვეტილებაში. 

უსაფრთხოება 

უსაფრთხოება ყოველთვის პრიორიტეტი უნდა იყოს მანქანის შეძენისას – გამოიკვლიეთ უსაფრთხოების შეფასებები თქვენს მიერ შერჩეული მანქანებისთვის და შეადარეთ გვერდიგვერდ. უსაფრთხოების შეფასების ცოდნა დაგეხმარებათ გადაწყვეტილების მიღებაში. 

სატესტო გატარება 

მნიშვნელოვანია, რომ გაატაროთ მანქანა სანამ მას შეიძენთ. შეამოწმეთ უსაფრთხოების ფუნქცია, აჩქარება, ხმაური კაბინაში. ჩართეთ ჰაერიც კონდიციონერი ან გათბობა და შეამოწმეთ არის თუ არა ადეკვატური ვენტილაცია. დააკვირდით ინტერიერს და დარწმუნდით, რომ კომფორტულია და კარგად შემუშავებული. სატესტო გატარება დაგეხმარებათ გაიგოთ ერგება თუ არა მანქანა თქვენს ცხოვრების სტილს და თუ რამდენად კარგ მდგომარეობაშია. 

ბიუჯეტი 

აუცილებელია იხელმძღვანელოთ თქვენი ბიუჯეტით მანქანის შერჩევისას. თქვენი ბიუჯეტის კარგად და ზუსტად გაგება დაგეხმარებათ ფასის მიხედვით შეამციროთ პოტენციური მანქანების სია და არ განიხილოთ ზედმეტად ძვირი ავტომობილები. შემდეგ განიხილეთ რომელი ვარიანტი მეტად გერგებათ თქვენ: ნაღდი ფულით გადახდა თუ ეტაპობრივი გადახდით. უმეტეს შემთხვევაში მომხმარებლები ნაწილობრივ მაინც ეტაპობრივად იხდიან, ლიზინგის ან სესხის მეშვეობით. გამოიკვლიეთ დაფინანსების სხვადასხვა ვარიანტები და შეარჩიეთ თქვენთვის ყველაზე ოპტიმალური. 

გამოყენება 

ეს არის მნიშვნელოვანი ფაქტორი, რომელზეც უნდა დაფიქრდეთ. თუ გეგმავთ რამდენიმე წლის განმავლობაში მანქანით სარგებლობას, მაშინ მანქანისთვის სესხის აღება შეიძლება საუკეთესო არჩევანი იყოს. მეორეს მხრივ ლიზინგი შეიძლება უკეთესი იყოს იმ შემთხვევაში, თუ მანქანის ხშირად გამოყენებას არ აპირებთ და გირჩევნიათ უახლესი მოდელები. 

საკრედიტო ქულა 

სანამ მანქანისთვის სესხზე განაცხადს შეიტანთ, მნიშვნელოვანია საკრედიტო ქულის შემოწმება. თქვენი საკრედიტო ქულის ცოდნა დაგეხმარებათ უკეთ გაიგოთ თუ რა საპროცენტო განაკვეთი შეიძლება შემოგთავაზონ – ან საერთოდ თუ ხართ კვალიფიცირებული სესხისთვის. რაც უფრო მაღალი საკრედიტო ქულა გაქვთ, მით უფრო მეტია შანსი, რომ დაგიმტკიცებენ სესხს და შემოგთავაზებენ უფრო სასურველ საპროცენტო განაკვეთს. 

საპროცენტო განაკვეთი 

საუკეთესო საპროცენტო განაკვეთის მოძებნა (სხვადასხვა გამსესხებლების შემოთავაზებების განხილვა) დაგეხმარებათ ფულის დაზოგვაში. სხვადასხვა გამსესხებელს აქვთ სხვადასხვა საპროცენტო განაკვეთი და შესაბამისად შეადარეთ შემოთავაზებები, სანამ რომელიმეს აირჩევთ. როგორც წესი უფრო გრძელვადიანი სესხი ნიშნავს უფრო დაბალ თვიურ გადასახადს, მაგრამ სესხის ჯამური ღირებულება იზრდება.  

წინასწარი შენატანი 

უმეტესობა გამსესხებელი მოითხოვს მცირე წინასწარ შენატანს მაინც. უმეტეს შემთხვევაშ, რაც უფრო დიდ წინასწარ შენატანს გადაიხდით, მით უფრო უკეთესი შემოთავაზება გექნებათ. წინასწარი შენატანი დაგეხმარებათ სესხის უკეთესი პირობების მიღებაში და შეიძლება საპროცენტო განაკვეთი ან/და თვიური გადასახადიც კი შეგიმციროთ. 

სრული ღირებულება 

დარწმუნდით, რომ მანქანისთვის სესხის გამოტანის ჯამურ ღირებულებას ითვლით, რაც მოიცავს რეგისტრაციას, დაზღვევას და შეკეთებას და არამხოლოდ მანქანის თვითღირებულებას. ცოტაოდენი გამოკვლევაც კი დაგეხმარებათ უფრო ზუსტი ბიუჯეტის წარმოებაში და მანქანისთვის სესხის აღების გადაწყვეტილების მიღებაში.  

ინფორმაცია, რომელსაც შეიცავს ფინანსური ცნობიერების პლატფორმა, მოცემულია მხოლოდ საინფორმაციო მიზნებისთვის. მომხმარებელმა ყოველთვის უნდა გამოიკვლიოს თავად და მოიძიოს პროფესიონალის რჩევა, რათა დარწმუნდეს, რომ ჩვენს მიერ გაწეული რეკომენდაციები შეესაბამება თავის მდგომარეობას. ჩვენ არ ვიძლევით ამ ვებგვერდით გავრცელებული არცერთი რჩევის, მოსაზრების ან განცხადების სრული სიზუსტის, სისრულის ან სანდოობის გარანტიას. ამიტომ, მოწოდებულ ინფორმაციაზე ნებისმიერი დამოკიდებულება მხოლოდ თქვენი რისკის ქვეშაა.